Irfan Clicks Photography

Learn Photography in Tamil

How To Edit Time Lapse Videos In Tamil?

by

மாறுபட்ட exposure யில் எடுத்த RAW போட்டோக்களை கொண்டு எளிமையாக டtime lapse வீடியோக்களை உருவாக்குவது எப்படி என தெரிந்து கொள்ள இந்த வீடியோவை பார்க்கவும்

ஷட்டர் ஸ்பீடு ( shutter speed ) என்றால் என்ன?

by

ஷட்டர் ஸ்பீடு ( shutter speed ) என்றால் என்ன?

நாம் இதுவரை காமெராவின் பாகங்கள் செயல்பாடுகள் லென்ஸின் பாகங்கள் லென்ஸின் வகைகள் போன்ற அடிப்படை விஷயங்களை பார்த்தோம். இனி அடுத்த பகுதிக்கு செல்வோம்.
சிலர் விலை உயர்ந்த கேமராவை வாங்கி அதனை முறையாக கையாலும் விதத்தை அறியாமல் ஆர்வம் குறைந்து கேமராவை ஒரு மூலையில் வைத்து விடுவர். எனவே உங்கள் சப்ஜெக்டை வைத்து எந்த அளவு உங்கள் கிரியேட்டிவிட்டீயை வெளிப்படுத்த முடியும் என்பதை உங்கள் கேமரா கண்ட்ரோல் பற்றிய அறிவே தீர்மானிக்கிறது. அதில் முக்கியமான இரண்டு கண்ட்ரோல்கள் அவை அப்பெச்சர் மற்றும் ஷட்டர் ஸ்பீட். இவற்றை பற்றி ஏற்கனவே சுருக்கமாக பார்த்தோம்.
அப்பச்சர் மற்றும் ஷட்டர் ஸ்பீட் இரண்டும் எக்ஸ்போஷர் உருவாக்க இன்றியமையாத ஒன்று. இவை ஒரு காட்சியின் motion and depth இரண்டையும் கட்டுப்படுத்தக்கூடியது.
ஒரு காட்சியை நீங்கள் freeze செய்யவேண்டுமா அல்லது blur செய்யவேண்டுமா இவை இரண்டிற்கும் ஷட்டர் ஸ்பீட் கண்ட்ரோல் பற்றி தெரிந்துகொள்வது அவசியம். உங்கள் படத்தில் ஒரே ஒரு சப்ஜெக்டை மட்டும் தனியாக காட்ட வேண்டுமா அல்லது அனைத்து காட்சிகளையும் ஃபோகஸில் வைத்து தெளிவாக காட்ட வேண்டுமா? நீங்கள் அப்பச்சர் கண்ட்ரோல் பற்றி அறிந்து கொள்வது அவசியம்.

ஷட்டர் ஸ்பீடு

நாம் நமது பாடத்தின் துவக்கத்தில் ஒரு காட்சி எவ்வாறு கேமராவில் பதிவு செய்யப்படுகிறது என்று பார்த்தோம். அதை இன்னும் எளிதாக புரிந்து கொள்ள ஒரு உதாரணத்தோடு விளக்குகிறேன்.

ஒளி அல்லது காட்சியானது ஒரு துளையின் வழியாக ஒரு அறைக்குள் நுழைந்து அதன் மறுபக்கதில் உள்ள ஒரு சுவரில் அங்கிருக்கும் ஓவியன் முலம் படமாக வரையப்படுகிறது என கற்பனை செய்து கொள்வோம். இப்பொழுது அந்த ஓவியனையும் சுவரையும் நீக்கி விட்டு அதற்கு பதிலாக சென்சரை அங்கே வைப்போம். அடுத்து அந்த சிறு துளை வழியாக செலுத்தப்படும் ஒளியை நமக்கு தேவையான அளவு மட்டும் அனுமதிக்க வேண்டும். இல்லையெனில் தேவைக்கு அதிகமான ஒளி ஓவர் எக்போஸர் ஆகி படத்தை தெளிவில்லாமல் ஆக்கிவிடும். இதற்கு என்ன செய்யலாம்..
அந்த காலத்தில் தற்போது உள்ள அளவு ஃபிலிம்கள் சென்சார்கள் ஏதும் இல்லை. அப்பொழுது இருந்த ஒளி பதிவு செய்யும் பொருட்கள் காட்சியை பதிவு செய்ய பல நிமிடங்கள் எடுத்துக்கொண்டன. இந்த வகை கேமராக்களை பழைய ஆங்கில படங்களில் பார்த்திருப்பீர்கள். ஒரு படம் எடுக்க கேமரா லென்ஸ் மூடியை கழட்டி ஒளியை உள்ளே தேவையான நேரம் வரை அனுமதித்துவிட்டு பின்பு அதே மூடியைக்கொன்டு லென்ஸை மூடி அந்த ஒளியை தடுத்து புகைப்படம் எடுப்பார்கள்.
பிற்காலத்தில் தொழிற்நுட்பம் வளர வளர வேகமாக ஒளியை பதிவு செய்யக் கூடிய ஃபிலிம்கள் கண்டுபிடிக்க பட்டன. இதன் காரணமாக ஒளியை உள்ளே அனுப்ப மற்றும் தடுக்க வேகமாக இயங்கக்கூடிய இயந்திர ஷட்டர்கள் உருவாக்கப்பட்டன.
இவை ஃபோக்கல் பிளேன் ஷட்டர் என அழைக்கப்பட்டன. இந்த வகை ஷட்டர்கள் நமக்கு தேவையான ஷட்டர் நேரத்தை குறிப்பிட்டுவிட்டு பட்டனை அழுத்தியதும் திரை (shutter curtain) விலகி ஒளியை நாம் உள்ளீடு செய்த வரை உள்ளே ஃபிலிமிற்கு அனுமதித்துவிட்டு பிறகு திரையை மூடி ஒளியை தடுத்து விடும்.
தற்போதைய காலகட்டத்தில் DSLR போன்ற கேமராக்களில் எலெக்ட்ரானிக் முறையில் இயங்கும் ஷட்டர்கள் உள்ளன. கேமராவின் மூளை ஷட்டர் எவ்வளவு நேரம் திறக்க வேண்டும் என்பதை கட்டுப்படுத்துகிறது.
இங்கே இணைத்துள்ள படத்தை கவனியுங்கள். ஷட்டர் பட்டனை அழுத்தியதும் ஒளி லென்ஸ் வழியாக உட்புகும். உள்ளே உள்ள கண்ணாடியும் மேலே எழும் |அதே சமயத்தில் சென்சருக்கு முன்பு உள்ள திரை, மேலே எழும்பி ஒளியை சென்சரில் விழ அனுமதிக்கிறது. இவ்வாறுதான் ஷட்டர் இயங்குகிறது.

கேமிராவில் உள்ள modes வகைகள்

ஷட்டர் ஸ்பீட்

1. ஷட்டரானது கேமராவினுல் ஒளி உட்புகுந்து சென்சரில் விழும் நேரத்தை கட்டுப்படுத்துகிறது.

2. ஒளி சென்சரில் விழுவதற்காக ஷட்டர் திறந்திருக்கும் நேரத்தையே ஷட்டர் ஸ்பீட் என அழைக்கிறோம்.
3. புகைப்படத்திற்கு அதிக ஒளி தேவையெனில் ஷட்டர் அதிக நேரம் திறந்திருக்க வேண்டும்.
4. புகைப்படத்திற்கு குறைந்த ஒளி தேவையெனில் ஷட்டர் குறைந்த நேரம் திறக்க வேண்டும்.
5. ஷட்டர் ஸ்பீடானது வினாடிகளைக் கொன்டு கணக்கிடப்படுகிறது.

சரி இன்றைய பாடத்திற்கு போகலாம்.

கேமராக்களில் ஷட்டர்ஸ்பீட் கணக்கீட்டை பார்த்திர்களானால் அது 1/4 ல் ஆரம்பித்து 1/4000 வரை மற்றும் சில கேமராக்களில் 1/8000 வரை இருக்கும்.
1/4 என்பது ஒரு வினாடியில் நான்கில் ஒரு பங்கு நேரம் ஷட்டர் திறந்து மூடும் அளவு.ஒளி அதிகமாக பதிவாக வேண்டுமெனில் இந்த அளவுகளில் ஷட்டரை இயக்க வேண்டும். இதை slow shutter speed என அழைப்பார்கள்.
1/4000 என்பது ஒரு வினாடியில் நான்காயிரத்தில் ஒரு பங்கு நேரம் ஷட்டர் திறந்து மூடும் அளவு ஆகும். இந்த வேகத்தில் ஷட்டர் திறந்து மூடுவதை நம் வெறும் கண்களால் பார்க்க கூட முடியாது. உங்களுக்காக கமென்ட்டில் அந்த காட்சியை இணைத்துள்ளேன். ஒளி குறைவாக பதிவாக வேண்டுமெனில் இந்த அளவுகளில் ஷட்டரை இயக்க வேண்டும். இதை fast shutter speed என அழைப்பார்கள்.
உங்கள் கேமராவின் பின்புறத்தில் உள்ள display ல் ஷட்டர் ஸ்பீடின் அளவை காணலாம். Canon போன்ற கேமராக்களில் 1/4000 , 1/2000 வினாடி பகுதி போன்றும் Nikon கேமராக்களில் வெறும் 4000, 2000 வினாடி பகுதி என்றும் குறிப்பிடப்பட்டிருக்கும் ஆனாலும் இரண்டு அளவுகளும் ஒன்றே.
வினாடி பகுதிகளை (fraction of seconds) சாதாரனமாகவும், வினாடிகளை 1″ , 2″ , 4″ என இரட்டை கமாக்களை கொண்டும் குறிப்பிட்டிருப்பார்கள்.
இவ்வாறு வினாடிகளை கொண்டு அளக்கப்படும் ஷட்டர் ஸ்பீட் slow shutter speed என அழைக்கப்படும். இவை 1″ , 2″ , 4″ என 30″ வினாடிகள் வரை செல்லும்.
ஒரு புகைப்படம் எடுக்க உங்களுக்கு 30″ வினாடிகளுக்கு மேல் லாங் எக்ஸ்போஷர் தேவை.. என்ன செய்வது ? அதற்காகவே உள்ளது பல்ப் மோட் அல்லது B mode.
இந்த மோடில் வைத்து விட்டு ஷட்டர் பட்டனை உங்களுக்கு தேவையான நேரம் வரை அழுத்தி கொன்டிருந்தால் போதும். அதுவரை ஷட்டர் திறந்து காட்சிகளை Long exposure ல் பதிவு செய்யும். இந்த வகை லாங்எக்ஸ்போஷருக்கு வயர்லெஸ் அல்லது வயர்ட் ரிமோட் ஷட்டர் பட்டன் உபயோகிப்பது சிறந்தது.
இதுவரை ஷட்டர்ஸ்பீடானது ஒளி சென்சரில் படும் நேரத்தை கட்டுப்படுத்துவதை பார்த்தோம். ஆனால் இதற்கு இன்னொரு முக்கியமான அலுவல் உண்டு. அது ஒரு சப்ஜெக்ட்டின் இயக்கத்தை கட்டுப்படுத்துவது ஆகும்.
ஒரு காட்சியின் இயக்கத்தை கட்டுப்படுத்துவதன் மூலம் அதை freez செய்ய அல்லது blur செய்ய முடியும். இதன் மூலம் உங்கள் கிரியேட்டிவிட்டியை வெளிப்படுத்த முடியும்.
இங்கே ஒருவர் ஒரு மோட்டர் பைக் ஓட்டி வருவதை படம் பிடித்து உள்ளனர். முதல் படத்தில் 1/500 செகன்டில் படம் எடுத்துள்ளனர். இதனால் ஷட்டர் வேகமாக இயங்கி அந்த காட்சியை அப்படியே freez செய்துள்ளது. அடுத்த படத்தை 1/30 செகன்டில் எடுத்துள்ளனர். ஆனால் இந்த காட்சி blur ஆக பதிவாகி உள்ளது. அது ஏன் தெரியுமா?
நாம் ஷட்டரை 1/30 செகன்டில் எடுத்த பொழுது ஷட்டர் கூடுதல் நேரம் திறந்து ஒளியை சென்சரில் விழ அனுமதித்ததால் படம் பதிவாகி கொண்டிருந்த தருணத்தில் பைக் நகர்ந்து அந்த படத்தை blur ஆக்கி விட்டது.
படத்தில் பைக்கின் ஹெட் லைட்டை கவனியுங்கள். ஷட்டர் திறந்த சமயத்தில் ஹெட் லைட் சிகப்பு குறியில் இருந்தது. 1/30 பகுதி வினாடியில் ஷட்டர் மூடுவதற்குள் அது நகர்ந்து பச்சை குறி வரை வந்து விட்டது. இதனால் காட்சியும் இவ்வாறு blur ஆக பதிவாகி உள்ளது.
இந்த இயக்க கண்ட்ரோலை பயன்படுத்தி பல கிரியேட்டிவ் படங்களை எடுக்கக முடியும். உதாரணத்திற்கு இங்கு அருவிகளின் படம் கொடுக்கப்பட்டுள்ளது.
ஒரு படம் 1/30 ல் ஸ்லோ ஷட்டர் ஸ்பீடில் எடுக்கப்பட்டுள்ளது. இதனால் அருவியில் கொட்டும் நீரானது அழாகாக நீரின் ஓட்டத்தை பதிவாகியுள்ளது. அதே அருவியை நாம் 1/2000 fast shutter speed ல் எடுக்கும் பொழுது அது காட்சியை அப்படியே freez செய்து அருவியின் நீர்த்துளிகளை கூட நாம் பார்க்கும் வகையில் பதிவு செய்துள்ளது
.
புரிகிறதா நண்பர்களே ? Blur motion ல் படம் எடுக்க ஸ்லோ ஷட்டர் ஸ்பீடை உபயோகியுங்கள். Fast motion ல் படம் எடுக்க ஃபாஸ்ட் ஷட்டர் ஸ்பீடை உபயோகியுங்கள்.
இங்கே சில உதாரணங்கள் கொடுக்கப்பட்டுள்ளன. வேகமாக நகரும் சப்ஜெட்டை ஃபீரீஸ் செய்ய , விளையாட்டுகளில் அற்புதமான தருணங்களை படம் பிடிக்க மற்றும் பறவைகள் பறக்கும் பொழுது படம் பிடிக்க இன்னும் பலவற்றிற்கு ஃபாஸ்ட் ஷட்டர் ஸ்பீட் பயன்படுத்தலாம். மக்கள் நிறைந்த ஒரு இடத்தை படம் பிடிக்கும் பொழுது மக்களின் அவசர வாழ்க்கையை உணர்த்த , வாகனங்கள் ஓடுவது போல காட்ட மற்றும் பலவற்றிற்கு ஸ்லோ ஷட்டர் ஸ்பீடை பயன்படுத்தலாம்.
இரவில் வாகனங்களில் ஓட்டத்தை காட்ட கூடிய படங்களை பார்த்திருப்பீர்கள். இவை லாங் எக்ஸ்போஷரில் ஒரு நிமிடம் வரை பல்ப் மோட் உபயோகித்து எடுக்கப்படுகின்றன.
இரவின் வெளிச்சம் குறைவாக இருப்பதாலும் மற்றும் ஷட்டர் அதிக நேரம் திறந்திருப்பதாலும் வாகனங்கள் பதிவாகமல் வாகனங்களின் ஒளி இயக்கத்தோடு பதிவாகி இது போன்ற அற்புதமான படங்களை அளிக்கிறது.
ஆனால் இந்த வகை படங்களை கேமராவை அசைக்காமல் ஒரே இடத்தில் வைத்து எடுக்க வேண்டியிருப்பதால் இதற்கு நீங்கள் கட்டாயம் ட்ரை பாட் tripod உபயோகிக்க வேண்டும்.
அதே போல கேமராவை கைகளில் வைத்திருக்கும் போது ஸ்லோ ஷட்டர் ஸ்பீடில் படம் எடுத்தால் கைகளின் சிறு அசைவினால் படம் தெளிவில்லாமல் பதிவாக கூடும். எனவே ஸ்லோ ஷட்டர் ஸ்பீட் வைத்து படம் எடுக்க tripod உபயோகிப்பது சிறந்தது.அல்லது லென்ஸில் வைப்ரஷன் ரிடக்ஷன் இருந்தால் அதை ஆன் செய்து படம் எடுக்கலாம்.
உங்கள் கேமராவில் உள்ள ஷட்டர் பிரையாரிட்டி மோட் வைத்து மேலே சொன்ன அனைத்தையும் பயிற்சி செய்து பாருங்கள்.
சரி நண்பர்களே இன்று ஷட்டர் ஸ்பீட் பற்றி பார்த்தோம். அடுத்த வகுப்பில் அப்பச்சர் பற்றி பார்ப்போம்.
தொடரும்…

லென்ஸின் வகைகள் (Types of lenses)

by

லென்ஸின் வகைகள்

ஸ்டாண்டர்ட் லென்ஸ் ( Standard Lens):

பொதுவாக இந்த வகை லென்ஸ்கள் ஏறக்குறைய மனிதனின் பார்வை கோணத்தை அதாவது 50mm லென்ஸ் போல ஒத்திருக்கும். இந்த வகை லென்ஸ்களின் போக்கால் லென்த் 40mm லிருந்து 70mm வரையும் பார்வையின் கோணம் 50 டிகிரி முதல் 90 டிகிரி வரை இருக்கும்.

  இது street photography க்கு ஏற்ற லென்ஸ் ஏனெனில் இந்த வகை போட்டோக்கள் மனிதனின் பார்வை கோணத்தை ஒத்திருப்பதால் போட்டோக்ராபரின் எண்ணத்தை எளிதாக போட்டோவில் பிரதிபலிக்கிறது.  

வைட் ஆங்கிள் லென்ஸ் (Wide angle lens):

மனிதனின் பார்வைக்கோணம் அல்லது 50mm ஸ்டாண்டர்ட் லென்ஸின் கோணத்தைவிட விரிந்து வைடாக இருக்கும் லென்ஸ்களை வைட் லென்ஸ் என அழைப்பார்கள். இதன் போக்கால் லென்த் 24மmm முதல் 50mm. இந்த லென்ஸ்கள் பார்வை கோணம் 50 டிகிரி முதல் 83 டிகிரி வரை. இவை லேண்ட்ஸ்கேப் , திருமணம் மற்றும் ஸ்போர்ட்ஸ் போன்ற துறைகளில் அதிகம் உபயோகிக்கப்படுகிறது.  

டெலிபோட்டோ லென்ஸ் (Telephoto lens):

இந்த வகை லென்ஸ்கள் தூரத்தில் உள்ள காட்சிகளை நீங்கள் இருக்கும் இடத்திலிருந்தே பெரிதாக அதிக டீடைலுடன் படம்பிடிக்க உதவுகிறது. இதன் பார்வை கோணம் 50mm லென்ஸை விட குறுகியதாக இருக்கும்.அதாவது 50 டிகிரி முதல் 10 டிகிரி வரை. இதன் போக்கால் லென்த் 70mm முதல் 300mm வரை. இவை அதிகம் ஸ்போர்ட்ஸ் மற்றும் திருமணங்கள் மற்றும் கேண்டிட் வகை போட்டோ மற்றும் இன்னும் பல துறைகளில் அதிக பயன்பாடு கொண்டது. இது ஒரு ஆல்ரவுண்டர் லென்ஸ் என கூறலாம்.  

சூப்பர் டெலிபோட்டோ லென்ஸ் (Super Telephoto lens):

ஸ்டாண்டர்ட் லென்ஸ்களை விட குறுகிய பார்வை கோணம் கொண்டிருக்கும். 300mm கு மேல் போக்கால் லென்த் உடையாத இருக்கும். இதன் பார்வை கோணம் 10 டிகிரி முதல் 2.5 டிகிரி வரை இருக்கும். இவை bird photography, wildlife மற்றும் பிரபலங்களை துரத்தி சென்று படம் எடுக்கும் பாப்பராஸி! போன்ற துறைகளில் சிறந்த பயன்பாடு கொண்டது.  

சூப்பர் வைட் அங்கிள் லென்ஸ் ( Super wide angle lens):

மனிதனின் பார்வையை விட வைட் ஆனா பார்வை கோணம் உடையது. இது 20 mm ஐ விட குறைவான போக்கால் லென்த் இருக்கும். இதன் பார்வை கோணம் 100 டிகிரி முதல் 150 டிகிரி வரை. விளையாட்டு மற்றும் அட்வென்ச்சர் துறைகளில் இந்த வகை லென்ஸ்கள் தற்போது அதிகம் பயன்படுகிறது. Gopro போன்ற சிறிய வகை காமெராக்களில் இந்த லென்ஸைத்தான் பயன்படுத்துகின்றனர்.   என்ன நண்பர்களே கொஞ்சம் கடினமாக இருக்கிறதா? உங்களுக்கு புரிவதற்காக இங்கே படத்தில் 14mm முதல் 400mm வரை லென்ஸ்களின் பார்வை கோணம் கொடுக்கப்பட்டுள்ளதை காணுங்கள். இதன் மூலம் எந்த காட்சிக்கு எந்த லென்ஸ் பயன்படுத்துவது என நீங்கள் அறிந்துகொண்டீர்கள் என நம்புகிறேன்.  

பிஷ் ஐ லென்ஸ் (Fish eye lens):

இந்த வகை லென்ஸ்கள் போக்கால் லென்த் 8mm முதல் 15mm வரை இருக்கும். இதன் பார்வை கோணம் 150 டிகிரி முதல் 180 டிகிரி வரை. மீனின் பார்வையை ஒத்து இதன் பார்வை கோணம் இருப்பதால் இதை பிஷ் ஐ லென்ஸ் என அழைக்கின்றனர். வித்தியாசமான கோணத்தில் படம் எடுக்க சில சமயங்களில் படங்களை இணைத்து 360 டிகிரி கோண படம் எடுக்கவும் இந்த வகை லென்ஸ் பயன்படுகிறது.   கடைசியாக மேக்ரோ லென்ஸ். ஆனால் இதை தனியாக ஒரு பகுதியில் பார்க்கலாம்.சரி நண்பர்களே இன்றைக்கு இது போதும். இதோடு லென்ஸ் பற்றிய விளக்கம் முடிந்தது அடுத்த வகுப்பில் ஷட்டர் ஸ்பீட் மற்றும் அப்பச்சர் பற்றி பார்ப்போம். தொடரும்…

லென்ஸின் பார்வையும் மனிதனின் பார்வையும்

by

லென்ஸின் பார்வையும் மனிதனின் பார்வையும்:

மனிதனின் கண்கள் அற்புதமானது அல்லவா..எந்த ஒரு லென்சும் கண்களோடு போட்டி போட முடியாது. அனால் லென்ஸை இன்னும் கொஞ்சம் புரிந்துகொள்ள நாம் நம் பார்வையை லென்ஸோடு ஒப்பிடுவோம்.
ஒரு மனிதனின் தலையை அங்கும் இங்கும் அசைக்காமல் நேராக பார்த்தால் அவன் பார்வையின் மொத்த கோணம் 130 டிகிரி வைட் என கணக்கிட்டுள்ளனர். ஆனால் அந்த அளவுக்கு நம் கண்களில் காட்சிகள் தெரிந்தாலும் நம்மால் வெறும் 50 டிகிரி நேரான கோணத்தில் மட்டுமே கவனம் செலுத்த அதாவது போகஸ் செய்ய முடியும்என்பது உங்களுக்கு தெரியுமா?. அது தவிர்த்த மற்ற காட்சிகள் நமக்கு மங்கலாகவே தெரியும்.
இதுபோன்றுதான் கேமராவில் உள்ள லென்ஸ் வழியாக பார்க்கும்போது நமக்கு காட்சி தெரிகிறது. ஒவ்வொரு லென்ஸையும் மாற்றும்போது அதன் தன்மைக்கு ஏற்ப நமக்கு வைடாகவோ அல்லது குறிகிய அளவிலோ காட்சிகள் தெரிகின்றன.
ஆனால் மனித கண்களை போன்று சில காட்சிகள் மங்கலாக இல்லாமல் லென்ஸ் மூலம் நாம் காணும் அனைத்து காட்சிகளும் போக்கசில் தெளிவாக இருக்கும்.
என்னடா இவர் திடீரென்று குழப்புகின்றாரே நல்லாத்தானே போய்ட்டு இருந்துச்சு என வடிவேலு வாய்ஸில் நீங்கள் கூறுவது எனக்கு புரிகிறது நண்பர்களே.. ஆனால் இதை விளக்கினால்தான் எந்த காட்சிக்கு எந்த லென்ஸ் உபயோகிப்பது என நீங்களே முடிவுசெய்ய எளிதாக இருக்கும். சரி கொஞ்சம் கவனமாக கேளுங்கள்.
படம் 1 ல் உள்ள இடத்தில நாம் இருக்கிறோம் என வைத்துக்கொள்வோம். நாம் காணும் காட்சி மொத்தமாக இருந்தாலும் நம் பார்வையில் படம் 2 ல் உள்ள அளவே தெளிவாக தெரியும். மற்றவை மங்கலாக இருக்கும். நான் முன்பே சொன்னது போல போக்கால் லென்த் குறையும் பொழுது நாம் பார்க்கும் கோணம் வைடாக அதிகரிக்கும் அல்லவா.
இங்கு நான் இணைத்துள்ள படம் 3 ஐ பாருங்கள். 11mm லென்ஸ் உபயோகித்தால் (fish eye lens) நமக்கு 180 டிகிரி ல் காட்சி விசாலமாக தெரியும். அதே போன்று இந்த படத்தில் ஒவ்வொரு லென்சும் உபயோகிக்கும்போது எவ்வாறு எவ்வளவு டிகிரி காட்சி கிடைக்கும் என குறிப்பிட்டுள்ளனர்.
மனிதனின் பார்வை கோணமும் 50 mm லென்ஸின் பார்வை கோணமும் ஒன்று என்பதை அறிந்துகொள்ளுங்கள் நண்பர்களே. அதனால் 50mm உபயோகிக்கும் பொழுது மனிதனின் பார்வையை ஒத்த காட்சி கிடைக்கும்.
 இப்படி நாம் மேலே போக போக பார்வையின் கோணம் சுருங்குவதை காணலாம். இவ்வாறு சுருங்குவதன் காரணம் போக்கால் லென்த் அதிகரிப்பதுதான். புரியவில்லையெனில் பகுதி 8 ஐ ஒரு முறை மறுபடியும் படியுங்கள்.

DSLR கேமரா லென்சின் பாகங்கள்

by

DSLR கேமரா லென்சின் பாகங்கள்




போன பகுதியில் லென்ஸ் பற்றி சிறிது பார்த்தோம். அதன் தொடர்ச்சியை இன்று காணலாம்.
லென்ஸ் பற்றி இடைநிலை மற்றும் அட்வான்ஸ் லெவல் உள்ளவர்களுக்கு நன்றாக தெரியும். அனால் நம் தொடர் புதியவர்களுக்கு என்பதால் முதலில் லென்ஸின் பாகங்களை பற்றி சுருக்கமாக பாப்போம்.

1. Front Lens Element:

பிரண்ட் லென்ஸ் எலிமெண்ட் என்ற பெயரை கேட்டால் ஏதோ என்னவோ என்று நினைக்காதீர்கள். லென்ஸில் உள்ள கண்ணாடியைதான் எலிமெண்ட் என கூறிப்பிடுவார்கள். அதே போன்று லென்ஸின் வெளிப்புற கண்ணாடியை பிரண்ட் லென்ஸ் எலிமெண்ட் என அழைக்கின்றனர். லென்ஸின் அடுத்த முனையை ரியர் லென்ஸ் எலிமெண்ட் என அழைப்பர்.
ஒவ்வொரு லென்சும் பல்வேறு கண்ணாடிகளால் ஆனது. உதாரணத்துக்கு இங்கு 50mm லென்ஸின் லென்ஸ் அமைப்பு கொடுக்கப்பட்டுள்ளது.
இதில் உள்ள தனி தனி கண்ணாடிகளை எலிமெண்ட்ஸ் எனவும் தனியான அல்லது இரண்டு (சில சமயங்களில் இரண்டுக்கு மேற்பட்ட ) கண்ணாடிகளை ஒன்று சேர்த்து ஒட்டி வைத்திருந்தால் அதனை குரூப் எனவும் அழைப்பார்கள். வலது புறத்திலிருந்து மூன்றாவது மற்றும் நான்காவது லென்ஸை ஒட்டிவைத்துள்ளதை கவனியுங்கள்.
உதாரணமாக இந்த 50mm இல் 7 எலிமெண்ட்ஸ் அல்லது 6 குரூப்கள் உள்ளன. அதாவது மொத்தம் 7 கண்ணாடிகள் அதில் இரண்டு ஒன்றோடு ஒன்று ஒட்டப்பட்டுள்ளதால் அதை ஒரு குரூப்பாக எடுத்து கொள்வோம். மீதமுள்ள ஐந்து கண்ணாடிகளையும் தனித்தனி குரூப்பாக எடுக்க வேண்டும்.
இப்பொழுது எலிமென்ட்ஸில் கூறுவதானால் மொத்தம் 7, குரூப்பில் கூறுவதானால் மொத்தம் 6. புரிந்ததா நண்பர்களே?

2. Manual focusing Ring:

போகாசிங் லென்ஸ் ரிங் . இதன் உதவியுடன் உங்கள் சப்ஜெக்ட்ஐ போகஸ் செய்ய உதவுகிறது. சில சமயம் ஆட்டோமேட்டிக் போகஸ் கம்பிகளுக்கு பின்னால் உள்ள ஒரு பொருளையோ அல்லது வெளிச்சம் குறைவான நேரங்களிலோ சரியாக போகஸ் செய்ய முடியாமல் திணறக்கூடும். அப்பொழுது உங்கள் லென்ஸில் ஆட்டோமேட்டிக் மோடிலிருந்து மனுவால் மோடுக்கு மாற்றிவிட்டு இந்த ரிங்கை திருகுவதன் மூலம் நீங்களாகவே போகஸ் செய்யலாம்.

3. Distance Scale:

இது சில லென்ஸ்களில் மட்டும் இருக்கும். இப்பொழுது வரும் எல்லா லென்ஸ்களிலும் இருப்பதில்லை. இதில் தூரம் குறிப்பிடப்பட்டிருக்கும். இதன் உதவியோடு இருட்டிலோ அல்லது தேவையான நேரத்திலோ நீங்கள் உங்கள் சப்ஜெக்ட் இருக்கும் தூரத்தை மட்டும் கணக்கிட்டு இதில் அந்த தூரத்தை உள்ளீடு செய்து போகஸ் செய்ய முடியும்.

4. Zoom Ring:

உங்களிடம் ஜூம் லென்ஸ் இருந்தால் இந்த ரிங்கை கொண்டு காட்சிகளை ஜூம் செய்யலாம். இதன் மூலம் தூரத்தில் இருக்கும் காட்சியை உங்களுக்கு தேவையான அளவு அருகில் கொண்டுவந்து படம் எடுக்க முடியும்.

5. Thread for Lens Filters:

லென்ஸ் பில்டர் என்பது உங்க லென்ஸின் முன்பு இணைக்கப்படும் ஒரு கண்ணாடி ஆகும். இதன் உதவியைக்கொண்டு உங்கள் படங்களில் பல மாற்றங்களை ஏற்படுத்தலாம். பில்டர்கள் பல வகைகளில் உள்ளன. ஒவ்வொன்றும் ஒவ்வொரு பயன் தருபவை. இந்த பில்டர் பற்றி பின்பு விரிவாக பார்க்கலாம்.

6. Bayonet for Lens Hood:

லென்ஸ் ஹூட் எனப்படும் பகுதியை இந்த பகுதியில்தான் இணைக்கவேணும். லென்ஸ் ஹூட் உங்கள் லென்ஸின் மீது வெயில் அல்லது வெளிச்சம் படுவதால் ஏற்படும் லென்ஸ் பிளேர் ஐ தவிர்க்கவும் தவறுதலாக லென்ஸின் முன் பகுதி எதன்மீதாவது இடித்து கீறல் விழாமல் அல்லது உடைந்து விடாமலும் காக்க உதவுகிறது. லென்ஸ் ஹூட் உங்கள் லென்ஸ் வாங்கும்போது செட்டாக வரும் அல்லது கடைகளுக்கும் தனியாக கிடைக்கும்.

7. Auto Focus / Manual Focus Switch:

இதை உங்கள் லென்ஸை ஆட்டோ போகஸ் மற்றும் மேனுவல் போகஸிற்கு மாற்ற உதவுகிறது.

8. Lens Mount:

லென்ஸ் மவுண்ட் என அழைக்கப்படக்கூடிய இந்த பகுதிதான் உங்கள் லென்ஸை காமிராவோடு இணைக்க உதவுகிறது. இதில் உள்ள எலக்ட்ரானிக் லென்ஸை கேமிராவின் கட்டுப்பாட்டில் இயக்க அல்லது செயல்படவைக்கிறது. லென்ஸை
கேமிராவில் இணைக்காத சமயங்களில் இந்த பகுதியை அதன் மூடியை கொண்டு மூடி பாதுகாப்பை வைத்திருங்கள்.

9. Vibration Reduction

இது சற்று விலை அதிகமான லென்ஸ்களில் உள்ள ஒரு வசதி. நீங்கள் வெறும் கைகளால் ட்ரைபாட் போன்ற உபகரணங்கள் இன்றி படம் எடுக்கும் பொது நம்மை அறியாமல் ஏற்படும் கைகளின் சிறு அசைவுகள் நாம் எடுக்கும் படங்களை தெளிவில்லாமல் ஆகிவிடக்கூடும். இதை ஆன் செய்து இதன் உதவியோடு உங்கள் படங்களை தெளிவாக எடுக்கலாம். சில உயர்தர காமிராவளிலேயே இந்த வைப்ரேஷன் ரிடக்க்ஷன் வசதி உண்டு.

கொசுறு:

இன்று உலகில் ஒவொவொரு இரண்டு நிமிடங்களில் எடுக்கப்படும் மொத்த புகைப்படங்களின் எண்ணிக்கையும் 1800 களில் எடுக்கப்பட்ட மொத்த புகைப்படங்களின் எண்ணிக்கையும் சமமாம்.
சரி நண்பர்களே மீண்டும் அடுத்த வகுப்பில் சந்திப்போம்.
தொடரும்…